во

Меѓу тие луѓе

и ќе отидеш таму

меѓу тие луѓе и

ќе си муабетиш и

ќе се смешкаш

и ќе кимаш со главата

и ќе повторуваш учтиво:

да, да. па како не. па како не.

и ќе кажеш и ти нешто паметно.

нешто негде прочитано. цитат некој

или само алузија. и во едната рака ќе држиш

чаша црвено вино, а со другата ќе мавташ.

ко сѐ да е ко што треба.

а си знаеш ти дека не е.

знаеш дека поради нешто

не треба да си таму,

дека поради нешто не треба

да се смешкаш,

а и црвот, еве го, почнува да те грицка.

а ти си се смешкаш.

а црвот те грицка.

се смешкаш. те грицка.

се смешкаш. те грицка.

се смешкаш. те грицка.

сѐ додека едно утро не ја здогледаш

во огледалото брчката над устата

и не почнеш да се грицкаш,

а црвот да се смешка.

Извештај

Напишете коментар

Вашата адреса за е-пошта нема да биде објавена. Задолжителните полиња се означени со *

Што мислиш?

Напишано од Мудросер Гојко

ПВМ Ацо :(

ЧАЈ ОД МАЈЧИНА ДУШИЦА